mamingaw, mamingaw,
an ira lingaw,
bisan kun nagrurugyaw
an kasing-kasing hungaw.
malanog an huni han kalaw,
naglalaum nga mahibatian han kataw
an reklamo han kasing-kasing nga nag iinuraw.
masurub-on, masurub-on,
an ngiw-ngiw nga nagkikinulaw
han kalaw nga nag-iinuraw
nga nagsasakripisyo han kasing-kasing nga hungaw
kay-ano, kay-ano
nga an kataw pa an gilalauman
nga mahibatian an pangaraba han kalaw
nga inabat han ngiw-ngiw nga nagkikinulaw?
an huring han kalaw:
diri na malalauman an katawhan
kay hira butaw-butaw
han kalibutan nga puno hin lingaw
dara hiton ira kasing-kasing nga hungaw!
Emerson Nicart, CSsR is
Email this author | All posts by Emerson Nicart, CSsR