The Eastern Samar Community Blog

Nagsaysay dida ha websayt han gobyerno nga hi Mrs. Gloria Macapagal-Arroyo inin pagmumulaton nga makadatong hiya ha syudad han Tacloban, Leyte, yana nga aga han Sabado.

Katapos hini, masakay dayon hiya ha usa nga chopper para maduaw an ladawan han Sinirangan Samar ug makarkulo an kadako nga kahibangan nga inalakbatan hinin baha ha baynte nga apektado nga mga munisipalidad hini nga nasabi nga probensya.

Ha paglugsong ni Mrs. Arroyo ha bungto han Dolores tikang ha chopper, halipotay nga isusumat han mga lokal nga opisyales han disaster coordinating council ha iya an presente nga kahimtang han probensya dida ha ira pagkatirirok.

Pinamumulat gihapon nga hi Mrs. Arroyo maghatag hin 20,000 kapesos ha mga pamilya nga namatayan ug magdara liwat hin 25,000 meals nga igseserbi ha apektado nga mga pamilya durot hinin kalamidad.

Agap nga ginmandoan an kaangayan nga mga departamento han gobyerno sugad han Department of National Defense ug han Social Welfare and Development nga maghatag hin mga relief goods ha nasabi nga apektado nga mga mulopyo. Kadugangan, pinapalansar ini nga mga departamento han gobyerno hin usa nga inspeksyon ha kahibangan durot han pira kasemana nga pag-inuran, ug dayon ig-implementar an burohaton para ha iya rehabilitasyon.

Para ha kadugangan nga impormasyon hini, i-click la ini nga link.