Kontribosyon hin Panidayan
February 7th, 2008 | by Fhen Macabasag |Magmamantala an Lakob, usa nga pangkultura nga organisasyon han mga Waray-waray dinhi ha Sidlangan Kabisay-an, hin iya 2008 nga isyu ha sakob hinin Pebrero. An syahan nga panuyoanan hini asay an pagpadukwag han aton literatura ug pinulongan nga Winaray.
Gin-aabi-abi an nga tanan nga mga maniniday/paragsiday dinhi ha Sinirangan Bisayas nga bumulig ug magkontribyot hin pira nira nga mga siday. An interesado magsumiter hin ira panidayan, ihulog la ha e-mail ad nga siday_kultura@yahoo.com — ilakip na liwat an iyo contact informations (kaulangan tinuod ug kompleto nga ngaran an gamiton).
Kun mayda kamo mga pakiana o nagugupongan, isumiter la gihapon hira ha nasabi nga e-mail ad.
Angan-angan na la kami…
Damo nga salamat ug mabuhi an kultura nga Waray!
===
Fhen Macabasag Fhen Macabasag is a well-rounded Waraynon. His art is his life.
