Kordapya, In Fairness Mahusay Ka
By Mario Adorna • Feb 5th, 2008 • Category: Artsako in usa ngan seminarista
mayda ko ig-iistorya
karuyag ko unta magpadi
iyo gad man buligan pangadi
damu gad ini nga mga butang
pagdayaw ko ha Ginoo nakaka-ulang
mga temptasyon ha kinabuhi
ha huna-huna ko ‘danay naghahadi
usa na dinhi hi kordapya
mahusay hiya ura-ura
baltok na buotan pa
makisasangkayon pa hiya
una ko pala ha iya pagkita
tigda ako inabat hin kolba
pero ma ha pagtika-iha
an kolba, nahimu nga gugma
baybayon adto
nga hi hiya in nakadto
gindaop ko dayun hiya
ngan kami in nagka-istorya
ha dagmit nga istorya
naging uyab ko hiya
waray la pag-iha ginbaton ako niya
kay ha akon naruruyag man liwat hiya
tikang hadto
an bug-os ko nga kinabuhi in nagba-o
bisan ako pumakain
ini nga babaye in ginbibiniling
an akon pagka seminarista
in hinay-hinay nawawara na
an sulod han akon huna-huna
waray na iba kundi hi kordapya
pagpinan huna-huna ha iya
in ako ginpipiraw na
sanglit pagmata ha aga
dire nagud ako nakaka-atindir han misa
usa ka panahon
ako in nakapamalandong
ha bubong han seminaryo
ako didto in nakadto
didto ko nahuna-hunaan
ine’n akon uyab angay ko dayun bulagan
ngan dire nagud hiya liwanan
kay hi kristo aada man
pinagi hin surat
didto ko ha iya iginsumat
kordapya pagbulag nala kita
waray na damu pa nga istorya
han iya pakabasa
namulagdat an iya mga mata
tigda hiya nga nag-isog
sugad sugad hin dalugdog
sinulong hiya ha balay
iginlapid pa hi nanay
dayun man ako nga ginawas
ginkukurog ngan puno hin hulas
pastilan kordapya uunan-hon ko man
kinahanglan ko man ikaw bulagan
dire man kita pwedi magkatuman
kay ako in magparadi man
imu nala unta pagpasensyahan
ug sugad man maintindihan
pamiling nala hin iba
kay damu man dida ha kon in mas ma
gwapo pa….
Mario Adorna is
Email this author | All posts by Mario Adorna
“baybayon adto
nga hi hiya in nakadto
gindaop ko dayun hiya
ngan kami in nagka-istorya”
Ayon ko ini nga stanza kay gin-aasoy niya dinhi an lugar, persona pati na liwat an iya awdyens.
Hini la nga stanza — dugngan la hin stress — pwede na matawag nga siday.
Pahabol la, hin-o daw la ini nga kordapya nga “mahusay hiya ura-ura?” Interesado pa naman ak’ ha iya…hahahah
to fhen macabasg..damu it na kordapya ha baybayon pamiling la…heheheh.
balit hinumu himu ko gadla adto…
asay.. damo it kordapya ha baybayon labi na gud hit may seminaryo. haha! kaya kun namimiling kamo hin mahusay nga kordapya pasingadto la hit may baybayon.Ü
Ano ini, subtle criticism ha mga seminarista nga nag-iiskoyla dida ha may baybay? (Nga sige it pagpinanngulaw ug pagbiniling hin ‘kordapya’ dida ha baybayon?) Heheheh
Pero kun subayon naton ini nga siday — ha literal nga pagbasa — an awdyens niya (hi Kordapya) inin uusa la. Diri damo. Diri hiya symbolism hin damolaay nga mga kababayin-an.
Kukudlihon ko an pira niya nga mga linya nga gindedeskriber an pisikal, ispiritwal ug panhunahuna ni Kordapya:
mahusay hiya ura-ura
baltok na buotan pa
So far, an mga ‘Kordapya’ nga kilala ko ha baybay inin makuri maiklasipikar komo “baltok, mahusay ug buotan.” An kilala ko nga mga kordapya in malabad ug ilahas (wild). Hahaha
blanu, i think you should post on the tragic event that our fellow samarenos are suffering from – the flooding! to inform others and a possibility to send help to them in whatsoever manner… that’s all!
I agree. I’m sorry though because I’ve been very busy the whole week and will still be so this weekend and the coming two weeks. But I will try my best to come up with an update tomorrow morning.
To our readers, please feel free what news you have of the disaster in the province. It will be greatly appreciated.
Thanks.
blanu, di ak nakaka log-in… kay ano dawla?
an password nga adi gin hatag hak is not working…
click ‘forgot password’ hiton login page. tapos tatagan ka pinaagi hiton imo email hin bag-o nga password. kon di la gihap okay, tell me, igrereset ko na la manually. thanks.
why should we have to wait punishment(calamities and tragedies) in order for us to be reminded of our obligations…to our fellow, to the nature and to God? I think the shocking flood our province had encountered and the continous rain we encountering these days is again a reminder for us to learn of the basic priciple in life: think others not only yourself. Loggers pls wake up. You are not only damaging the nature but even more the lives of people…