Pangaradi-un Han Kabogto-an Borabod Hamorawon
February 16th, 2008 | by Ben Alar |Diyos nga makagarahum
Nga naghimo han Borabod Hamorawon
Nagpapasalamat kami ha Imo hini nga Imo eguin hatag ha amun
Logaring pasaylo-a kami Ginoo an Imo mga anak nga bongalos
Kay amun guinpapabay-an ini nga Imo bendisyon
Bogtong nga alahas an mang-gad wara sogad
Espeho hit kalag hit Borongan kan Birhen Maria guin babantayan
Eguin tu-in ha amun han amun mga guinikanan.
Diyos nga malolo-oyon nangangamoyo kami ha Imo
Nga antes kami koha-un Nimo, tagan Mo kami
Hin sopisyente nga panahon, bogway nga lawas ngan madig-un nga determinasyon
Kay basi namun pagbohatun an pagpaka-opay
Han hitsora ni Tobig nga pina-ora,
Pagbalik han da-an nga mga aragui-an,
Paghimo hin mga bag-o nga dalan
Kay basi ngahaw pagda-opon han mga besita
Ngan maguin bato- barani han mga torista.
Amun eguin sasa-ad ha cada tagsa
Ini nga tingoha diri mapapara.
Matoman konta,
Ha ngaran ni Hesus,
Amen.
===
Ben Alar
One Response to “Pangaradi-un Han Kabogto-an Borabod Hamorawon”
By Fhen Macabasag on Feb 19, 2008 | Reply
Mahatag la ak’ hin halipotay nga pagpinsar hini nga siday ni Ben Alar, partikular ha iya porma.
Una, free verse hiya — waray magpahigot ha tugma ug rima. Ug ikaduha, gin-inkorporar o gin-eksperimentohan an porma han pangadion ha iya panidayan.