Untitled
February 6th, 2008 | by Mario Adorna |He nanay,he tatay,sugad man han akon mga sangkay
kami ngatanan ha ilarum han hamurawon danay natambay
Mga lumalabay man liwat agsub nanmamahuway
Pagtanggal han butlaw ngan pamuhay-puhay.
Nahinumdom ako had2 han di pa nasusungkod he lolo
Ha kada sabado,upod hi Inday kami pumapakadto
burabod nga tubig han Hamorawon,kami namamarigo
Sanglit an amon adlaw,duro hin kamarisyo
Mataghom nga tubig,mahagkot on abaton
Dara hinin puno,ngaran Hamorawon
Kamarasa inmon,uhaw papas dayon
Sugad kala hin ininom,tubig nga tag kinsehon.
Dako gud ini nga karikohan,syodad han Borongan
Ha luyo han kakurian,kalipayan aton natatagamtaman
Huna-hunaa nala hi Santa Maria ,Iroy naton ngatanan
Pinaagi hinin burabo,binisita ha borongan
Pedro, Juan ug ngatanan nga molopyo han Borongan
kita ngatanan in magkaurusa para kauswagan
Inin buruhaton,angay naton pagburubligan
Lugar han hamorawon aton unta paglinisan
Kay inin kaupayan para man han ngatanan
Ngan inin grasya han Makagarahom naton pagpahimulosan.
===
Mario Adorna
One Response to “Untitled”
By Fhen Macabasag on Feb 7, 2008 | Reply
An naghulma hinin tipo nga panidayan
larang umapi ha iya paisan-isan
han Hamorawon Spring Society inisponsoran
kun ini waray maipasa pa man.
Ayos an pagkasurat han im’ siday
(may kaluyahan la ha pagpapaaliday)
usa nga istorya han im’ nakalabay
gintapos ha tinikangan inin waray.
(Padayon pagsurat hin Winaray!)