Inabrehan na an Gawad Komisyon 2008
August 18th, 2008 | by Fhen Macabasag |Nakarawat na hin entri an Komisyon sa Wikang Filipino o KWF ngan an mga Panrehiyong Sentro ng Wikang Filipino para ha Gawad Komisyon 2008.
An Gawad Komisyon 2008 usa nga paisan-isan ha pagsurat hin siday ug istorya ha napulo nga pinakadagko nga mga pinulongan ha Pilipinas sugad han Ilokano, Pangasinan, Kapampangan, Bikol, Samar-Leyte, Sugbuanong Binisaya, Hiligaynon, Meranao, ug Tausug, labot la ha Tagalog nga paisan-isan ha pagsurat hin istorya para ha mga bata.
Ikatulo na ka tuig an Gawad Komisyon yana nga takna. Pinatikang ini hadton anyos nga 2006. Panuyo hinin paisan-isan ‘say an pagpadukwag han literatura ngan pinulongan han iba nga dagko nga mga lenggwahe ha nasud.
Ginsasaling-urog ini nga paisan-isan komo kaparte han kada tuig nga selebrasyon han Bulan han Nasudnon nga Pinulongan nga binubuhat ha bulan han Agosto. Kinakaptan han mga Panrehiyong Sentro ng Wikang Filipino an paisan-isan ha kada pinulongan nga ginigiyahan naman han KWF.
Para ha pangkabug-osan nga lagda ngan iba pa nga mga detalye, tawag ha telepono ha numero nga 736-38-32 o 736-25-25 local 107. Poydi gihapon bumisita ha web site nga wika.pbwiki.com.
===
Fhen Macabasag Fhen Macabasag is a well-rounded Waraynon. His art is his life.
One Response to “Inabrehan na an Gawad Komisyon 2008”
By Mary Grace Abogado on Sep 13, 2008 | Reply
Salamat han pagpost hini.
Kitaon ko kun makakaya ko makasumetir basar han ira lagda.