Biniling ko ikaw hadto hasta yana man
nganhi pasingadto tinuroy an im’ im-im.
An matad-an ka akon kinahanglan
hinin kasingkasing ha im’ namimingawan.
Biniling ko ikaw sugad pananglitan
ha aton kitaan dinhi nga baybayon
nagpalanat-lanat ha taob-hubas han lawod
bangin maagian an nabilin mo nga lutop.
Ha syahan ta pagkita akon nanumdoman
ha liro han huyuhoy im’ ak’ hinangkupan
sugad hinin hagkot ha pagsapit/paghirayo han hangin
labi nga waray ka na ha akon mga butkon.
Biniling ko ikaw ha tuna nga higrayo
tubtob katapusan hiton isla nga Ando
nakalimtan mo na, siguro, an im’ ginsaaran
isinurat mo adto ha busag nga kabarasan –
Biniling ko ikaw hadto hasta man yana
nganhi/pasingadto akon tinuroy ka
sugad han baras ngadto ha kalawdan
namimingaw ako ha im’ ginsaaran.
Mary Grace Abogado is
Email this author | All posts by Mary Grace Abogado
Hello Mary Grace. Salamat han pag-contribute!
Waray sapayan. Mas nalilipay lugod ako nga tinugutan mo nga i-post inin akon sinurat.
Marisyo! =]
Welcome ka pirme pag contribute.
very poetic