asya daw in ada an kan severino reyes paagi?
By John Docena Simborios • Nov 17th, 2008 • Category: Featurespanhinumdom kadumdom
ha ak pagpahuway usa ka nga inop
inop ha durunggan nga makahurulop
makahurulop gad kay bisan magkulop
magkulop katuspok ha im pag ininop
pag ininop ha im nga waray katangpus
katangpusan hinin akon pag inantos
pag inantos hinin imo pagmamadlos
pag mamadlos di-in an bu-ot nalumos
nalumos na gudman waray na umutnga
umutnga tumikang hinin pag inanga
pag inanga aber hin guti kumita
kumita guti-ay han im pagpa-ura
pagpa-ura ngani bisan la sinangkay
sinangkay nga hul-os nga makalilipay
makalilipay gud bisan matagsahay
matagsahay ako nga imo gin agbay
gin agbay tikathon pagdul-ong ha dalan
dalan nga sinulsog nga may kalipayan
kalipayan hinin aton ginsa-aran
ginsa-aran hangtod aton katangpusan
katangpusan sanglit dire ta igbido
igbido ha dughan an aton paglingo
paglingo ha sa-ad nga aton ginhimo
ginhimo pa-agi han luha ngan bakho
bakho amo nala adton ighahalad
ighahalad hini nga aton kasugad
kasugad nala in nga aton ighatag
ighatag ha langit adton aton kalag.
john d simborios
taft e samar
8-9-10-2001, 8:00am
John Docena Simborios is usa nga Tubignon ha Esti han Samar, Paragsiday (poet), President of the KAMAREO (Katig-Uban han mga Magsusurat ha Rehiyon Otso), Journalist, Former Student Leader and like to talk about Nationalism and Idealism.
Email this author | All posts by John Docena Simborios
hi there! I believe that this poem is really nice..but sad to say, I can’t understand it..huhu..sayang..idol pa naman namin ng friends ko and poet..hehe..