(this is my first time to write a waray-waray poem or siday. So pls I would appreciate some comments to improve the way I deliver it. I just would like to acknowledge Mr.John Docena Simborios, your poetry triggered me to explore my own dialect. Thanks! Here it goes…)
Ikaw akon ginikanan,
an imo katam-is akon nahadkan,
ikaw nga ada ha sinirangan,
ikaw an pinalanga nga inahan.
ha kakuri – ikaw nabayaan,
binalhin ha langyaw para trabaho makit-an,
gin-ubos kusog ug oras,
ha lugar nga ha akon naghugas.
mga picture han nakada ako ha imo kinuha,
nga nadidto han imo mga dagat – ha kamingaw ako nagluluha,
an mga magtam-is nga ngisi han mga tawo – akona,
ikaw nga akon inihan nangingita imo paghigugma.
nagtuturoy han mga ngiya-ngiya han gab-i,
han mga huni han imo kagugub-an,
an pag-laum nga makita ka ambot kun mabuhi,
sanglit hit akon pagbalik angay nagud matuman.
ginikan gihap wa panumat,
puno hin kalipay nga ikaw harani na,
ha barko sige an tan-aw,
han isla han sinirangan samar kalipay napukaw.
paglusad han barko tinumak han tuna,
han imo bugto nga hi samar norte,
harani na – harani ikaw nga akon ina,
an imo anak adi na inuli.
haros maubos an ngisi ha akon kasing-kasing,
pagkita han imo kalsada,
kalsada tipakada ha imo nanay nga hinirang,
in pareho hin salug nga di maagi-an.
sakripisyo man ngay-an pagbalik,
mga bukol tikang han pantok – pasenya hapit lumitik,
pero kay amo man karuyag nga bumalik,
pero kay karuyag man bumalik,
haruuy, hin butlaw it pagkiniling-kiling,
gasko ko man hat tinabok na ak matnog,
paro nagud it pagabat hit hubog naapaparading-pading,
sana ha dagat ako nala nahulog.
haay gihap Borongan na,
Ina ko nga Borongan – aanhi na imo anak,
pero an dagat nga kalsada mayda pa,
wara katapusan nga milyones ada nga lubak.
kun huhunahunaon la – hin butlaw hin duro,
kakurian dipa nasurat ha libro,
para hin tawo nga ha lugar suki,
ano nla it turista bangin ngani nla umuli.
kun dire la dara han karayhak han mga tawo nga tinapo,
kun dire la han han hangin nga presko,
kun dire la han kinilaw nga akon gin-daphagan,
kun dire la dara hin nga usa ka container nga tuba nga amon na gintitikangan…
bangin ko na nahingalimtan it pag-uli,
bangin han pagkita ko pla han kalsada in mahubya,
bangin, bangin, pero aadi na gihap,
aadi na gihap ako ina ko nga sinirangan Samar!
NikNok_Cepeda is a thinker... a son...
i can be anyone. my only dream is for the PEOPLE of Eastern Samar to be given what is due to them. change, is really a must! but change can be done if the people who will benefit from it needs the benefit, indeed!
Email this author | All posts by NikNok_Cepeda
salamat madamo niknok cepeda. ha inungod la nga himangraw, aada ha im it yinaknan ng inestihanon, ngan maupay it nga im ginpanggamit an local nga yakan didto tim lugar. kay mas maupay nga hagamitan an nga yinaknan ha kada tagsa ta nga mga bungto o barangay bas it habaruan dama hit iba.
mayko ig upload nga siday hiunong hit paragsiday, unta hakit-an nim hit karaygan hit risyo hit pagsiday
salamat han imo komento…papahaluromon ngan pauuswagon ko pa it akon nahihibaruan…