An Hadtu Pa Guinda-anan
Hinin akun dughan daw kamu bulawan
Nga dagus magranggat kun sinisiplatan –
Daw kamu burabod nga di hinuhubsan
Nga dagmit maghubad hadtun kapagalan.
Adtun iyo huring nga ha ak’ napukaw
Nga sugad han uran in’ nagpapabanhaw.
Ha ak kabidu-an an iyo lantawan
Dagus magpahuphup, hin lipay magliwan.
Kamu in naghatag hinin tulu-uhan
Hin ma-nga mag-anyag nga dire la butang.
Basta pagpiyungko kun nag-uusahan
Danay ak’ humiyon – hadtun guinda-anan.
Kun ak’ lilingi-on adtun guin-agi-an
Basta kay nabaskug inin akun dughan.
Aku in natapud nga ha kadidtu-an
Manta adtun buhat ha akun nagdandan.
Kun hain man kamu, kamu hinumduman
Hinumduman dagus, hinin akun dughan.
Dughan ko in labis adtun kalipayan
Kalipayan subra kay kamu natagdan.
john d simborios
taft e samar
9-4-1999
John Docena Simborios is usa nga Tubignon ha Esti han Samar, Paragsiday (poet), President of the KAMAREO (Katig-Uban han mga Magsusurat ha Rehiyon Otso), Journalist, Former Student Leader and like to talk about Nationalism and Idealism.
Email this author | All posts by John Docena Simborios