Bag-o nga Tuig, Panahon hin Pagbabag-o
By Lance AC Acampado • Jan 8th, 2009 • Category: Commentary2009 na!
Uso pa ba an panhimo hin mga New Year’s resolution?
Han kabataan pa kami, permi kami ginapapahimo han amon mga magturutdo hin mga New Year’s resolution pagbalik namon ha klase han siyahan nga adlaw han pangiskuyla han sinulod nga tuig. Ambot kun may-ada natuman han bisan usa han akon mga ginhimo hadto. Pero han natikatigurang ak, haros kada adlaw naghihimo ako hin saad nga magbabag-o. ngan ambot kun pira daman an mga natuman han ikinaadlaw nga mga saad.
Importante kaupay an paghimo hin sugad han New Year’s resolution. Pero diri karuyag sidngon nga ha pagtikang la han tuig ini puede mahimo. Ha ngatanan nga takna han aton mga kinabuhi, puede kita makagtikang hin pagbabag-o. Ngan puede kita maghimo hin mga saad nga an katuyoanan amo an pagbabag-o.
Agsob kita magpinanhimo hin mga saad nga danay diri naton kinahanglan himoon. Agsob kita naghihimo hin mga saad nga danay diri importante han aton pagkatawo ngan han aton relasyon han aton igkasi-tawo. Yana nga panahon siguro maupay nga maghimo kita hin mga resolusyon o mga saad nga makakahatag hin maupay nga resulta para han aton kalugaringon, pamilya, buhatan, komunidad ngan iba pa.
Yana nga bag-o nga tuig, siguro pira han mga importante nga mga saad o resolutions nga angay naton mahimo amo an pagin mag-upay nga mga empleyado (pagsulod ha oras, pag-uli ha oras, pagserbisyo hin ungod-ungod han mga kliyente), mahigugmaon nga mga kag-anak, tuhay nga mga magturutdo, tinuod nga kasangkayan, magtadong nga mga punoan, tangkod nga mga negosyante, ngan iba pa.
Labi han ngatanan, siguro maupay daman balikan naton an mga saad mahitungod han aton pag-asawa, pagpabunyag, paglingkod ha pwesto, pagkarawat hin trabaho, pagkarawat han obligasyon subay han aton pinasaran nga propesyon, ngan iba pa.
An kada adlaw in himoon unta naton nga tinikangan hin bag-o nga kinabuhi. Ngan an kada adlaw magin bag-o nga okasyon basi makabaton kita han kanan Diyos tawag ngadto han pagsantos han aton mga kinabuhi.
Usa nga bag-o nga tuig nga puno hin mga grasya han Diyos ha aton ngatanan!
Sugob ni Longino @ ES Reporter 12-28 to 01-03
Lance AC Acampado is Presently a columnist - sugob ni longino - in the local paper, ES Reporter, and a blogger - http://sugobnilongino.blogspot.com . Also works at the City Government of Borongan, a family man, and a former cadet, seminarian and youth minister.
Email this author | All posts by Lance AC Acampado
The resolutions often fail because we overlook ourselves and just wish for our surroundings alone to change for us. If we want to make it, it will be wise if we honestly look in the mirror first and then religiously start the transformation from within. It will be like rediscovering ourselves again but making sure that we know ourselves and our needs better this time. Perhaps, after doing this, the goodness will emanate from within and indeed change our lives for the better.
Yes. Many times people do it as if it’s just a fad or something to do as part of ‘tradition”. However the true resolution should come from the heart. It is a real challenge especially in the present world when everything else are so intertwined in complexity. Sometimes we have no choice but to live up with things that are not in consonance with what we believe in. But if we cannot change the ‘bad’ system, let us at least try our best not to become part of it.