Usa ko utro nga siday – Imos nga naka-on
By John Docena Simborios • Feb 4th, 2009 • Category: Arts
imos nga naka-on
kaupay la niya, waray kabidu-an
waray huna-huna hadton kasakitan –
nahaligid minagkulop nagyayamyam
hin hiya la an maaram nga hibabru-an
maupay la hadton sura an kasamsam
bis mapan-os ngan lam-aw la an sawsawan
adton simod nadadara han pagkisam
han tinapay nga duhol la han agi-an
kamaupay, kamagana, kay nakutam
sugad-sugad hin karasa hadton galam
ngan kahuman na kuma-on an kinan-an
nga pagka-on sinaslado han surudlan
10-7-01
John Docena Simborios is usa nga Tubignon ha Esti han Samar, Paragsiday (poet), President of the KAMAREO (Katig-Uban han mga Magsusurat ha Rehiyon Otso), Journalist, Former Student Leader and like to talk about Nationalism and Idealism.
Email this author | All posts by John Docena Simborios