Ced Solidon is the blog's founder. He currently works as a freelance writer. Aside from that, he also maintains a writing blog, Write Like a Rock Star! He loves to read books and play music.
Email this author | All posts by Ced Solidon
By Ced Solidon • Apr 14th, 2010 • Category: Arts
LIRO
Ha butnga han kabukiran
Harayo han kadam-an
Amo an lugar
Nga akon ginsisirbisyohan
Harayo kaupay
Han akon gindakoan
Dako nga sakripisyo
An akon gin-aagian
Makuri an tubig
Sugad man an suga
An signal han cellphone
Agsob magkawara-wara
Didto la ako mamakita
Mayor nga nagmamama
Lagas man o bata
Nakinisam-kisam an baba
Mapakadto ha baryo
Panginano han mga tawo
Ha luyo han kamauran
Pipiriton kay sirbisyo man
Baloto an sasakyan
Color brown it katubigan
An life jacket nakahigot
Ha lawas kay naghihirot
Masulog an agos
May liro ha tubig
Karisyo pagkit-an
Ha luyo hit kakurian
Ha gutiay nga baloto
Kami in ginsasakto
Malup-ag ha salug
Para maka pwesto
Marisyo an biyahe
Bisan mga nerbyoso
Nakiniling-kiling nga baloto
An driver nareklamo
Pamakuna han MR SIA
Amon tuyo ngadto
Ha hagtaas nga kabablayan
Tuhod ko nareklamo
Pupugulon an bata
Kay hiya in nagwawala
Kon tusukon han dagum
Nakuruo upod it luha
Dire ko hingangalimtan
Mga baryo nga ginkadtuan
Libertd, maputi, tangbo
Malobago ug bulawan
Damu nga kabataan
An amon nabuligan
Ipaharayo han sakit
Nga nagdadara hin kakurian
Ha ngaran han serbisyo
Ako in mapakadto
Bisan ha kaharayuan
Dire ako mapupudngan
Makuri man nga dalan
It akon gin-aagian
Dire ako mag-aalang
Kay an Ginoo, kaupod ko man!